കോഴിക്കോട്, കണ്ണൂർ, കാസർഗോഡ് എന്നീ ജില്ലകളിൽ ഇന്ന് ഓറഞ്ച് അലർട്ട്.
പൗരന്മാരുടെ ശാക്തീകരണത്തിന് മുൻഗണന; ലക്ഷ്യം വരും തലമുറകൾക്ക് ശോഭനമായ ഭാവി
സ്വന്തം പ്രതിനിധി
◼️രാജ്യ വികസനത്തിൽ പ്രവാസികളുടേത് ക്രിയാത്മക പങ്ക്
അബുദാബി: രാജ്യത്തെ പൗരന്മാരുടെ ശാക്തീകരണത്തിനാണ് മുൻഗണനയെന്നും അവരുടെ ക്ഷേമവും സന്തോഷവും ഉറപ്പാക്കാൻ ലക്ഷ്യമിടുന്നതാണ് ഞങ്ങളുടെ പദ്ധതികളുടെ അടിസ്ഥാന ശിലയെന്നും യു.എ.ഇ രാഷ്ട്രപതി ശൈഖ് മുഹമ്മദ് ബിൻ സായിദ് അൽ നഹ്യാൻ പറഞ്ഞു. രാജ്യത്തെ ജനങ്ങളെയും താമസക്കാരെയും അഭിസംബോധന ചെയ്തു കൊണ്ടു നടത്തിയ പ്രസംഗത്തിലാണ് രാജ്യത്തെ ജനങ്ങളെ ചേർത്തു പിടിച്ചു കൊണ്ടുള്ള മനോഹരമായ വാക്കുകൾ അദ്ദേഹം പറഞ്ഞത്.
യു.എ.ഇ എന്ന രാജ്യത്തിൻ്റെ സ്ഥാപക പിതാക്കന്മാരുടെ പാത പിന്തുടരുമെന്നും അവരുടെ പുരോഗതിയുടെയും അഭിവൃദ്ധിയുടെയും ചരിത്രഗാഥയുമായി മുന്നോട്ട് പോകുമെന്നും രാഷ്ട്രപതി ഉറപ്പിച്ചു ആവർത്തിച്ചു പറഞ്ഞാണ് രാഷ്ട്രപതി പ്രസംഗം ആരംഭിച്ചത്. പ്രിയ സഹോദരന്മാരേ, യൂണിയന് മുമ്പും ശേഷവും, പ്രയാസകരമായ സമയങ്ങളിൽ പോലും, കഠിനമായ വെല്ലുവിളികളെ അതിജീവിക്കാനുള്ള തങ്ങളുടെ ദൃഢനിശ്ചയം തെളിയിച്ചിട്ടുള്ള അത്തരം ആളുകളുടെ ഒരു രാഷ്ട്രം ലഭിച്ചതിൽ ഞങ്ങൾക്ക് ഭാഗ്യമുണ്ട്. നമ്മുടെ ജനങ്ങളിലുള്ള ഞങ്ങളുടെ അഭിമാനം അനന്തമാണ് -ശൈഖ് മുഹമ്മദ് ഊന്നിപ്പറഞ്ഞു.
നമ്മുടെ ആളുകൾക്ക് തൃപ്തികരവും സുഖപ്രദവും സന്തുഷ്ടവുമായ ജീവിതം നയിക്കാൻ ആവശ്യമായതെല്ലാം ഉണ്ടെന്ന് ഉറപ്പാക്കുന്നത് ഞങ്ങളുടെ ഭാവി പദ്ധതികളുടെ അടിസ്ഥാനമായി കാണുന്നത്.
രാജ്യത്തോട് എന്നും വിശ്വസ്തത പുലർത്തിയ ഇമിറാത്തി പൗരന്മാരിൽ അദ്ദേഹം അഭിമാനമുണ്ടെന്നും ശൈഖ് മുഹമ്മദ് സന്തോഷം പ്രകടിപ്പിച്ചു.
രാജ്യത്തിന്റെ വികസനത്തിൽ പ്രവാസികളുടെ ക്രിയാത്മക പങ്കിനെ കുറിച്ചും രാഷ്ട്രപതി പരാമർശിച്ചു. “ഈ രാജ്യത്തെ തങ്ങളുടെ രണ്ടാമത്തെ ഭവനമായി കണക്കാക്കുന്ന ഞങ്ങളുടെ നിവാസികളുടെ മൂല്യവത്തായ പങ്കിനെ ഞങ്ങൾ ആഴത്തിൽ അഭിനന്ദിക്കുന്നു, യൂണിയൻ മുതൽ യുഎഇ കെട്ടിപ്പടുക്കുന്നതിലും വികസിപ്പിക്കുന്നതിലും അവരുടെ തുടർച്ചയായ സംഭാവനകൾ വിസ്മരിക്കാനാവില്ല - അദ്ദേഹം കൂട്ടിച്ചേർത്തു.
സജീവവും മുൻനിരയിലുള്ളതുമായ സമ്പദ്‌വ്യവസ്ഥ കെട്ടിപ്പടുക്കുന്നതിനും ആഗോളതലത്തിൽ ഞങ്ങളുടെ മത്സരശേഷി വർദ്ധിപ്പിക്കുന്നതിനും നമ്മുടെ സമ്പദ്‌വ്യവസ്ഥയെ വൈവിധ്യവത്കരിക്കേണ്ടത് അത്യാവശ്യമാണ്.
മതപരമോ സാംസ്കാരികമോ വംശീയമോ ആയ പശ്ചാത്തലങ്ങൾ പരിഗണിക്കാതെ ലോകമെമ്പാടുമുള്ള രാജ്യങ്ങൾക്ക് യു.എ.ഇ സഹായഹസ്തം നൽകുന്നത് തുടരുമെന്നും പ്രസിഡന്റ് പറഞ്ഞു.
പരസ്പര ബഹുമാനത്തിന്റെ അടിസ്ഥാനത്തിൽ ലോകമെമ്പാടുമുള്ള രാജ്യങ്ങളുമായുള്ള സഹകരണത്തിന്റെ പാലങ്ങൾ രാഷ്ട്രം നീട്ടുന്നത് തുടരും - ശൈഖ് മുഹമ്മദ് വ്യക്തമാക്കി.
വരാനിരിക്കുന്ന തലമുറകൾക്ക് ശോഭനമായ ഭാവി കൈവരിക്കാനാണ് ഞങ്ങൾ ലക്ഷ്യമിടുന്നതെന്നും ഇപ്പോഴത്തെ നേട്ടം നിലനിർത്തി വിജയക്കുതിപ്പിലേക്കുള്ള പ്രയാണമാണ് രാജ്യത്തിൻ്റെ ലക്ഷ്യമെന്നും രാഷ്ട്രപതി പറഞ്ഞു.
ഒരു മണിക്കൂറോളം നീണ്ടു നിന്ന പ്രസംഗം ആഗോള മാധ്യമങ്ങൾ തത്സമയ സംപ്രേക്ഷണം നടത്തി.
.
ഭീമ ജ്വല്ലേഴ്‌സ് ദശവാർഷികം: നിസാൻ പട്രോൾ സമ്മാനിച്ചു
November 30 2024
ഇന്ത്യ-എസ് എ ഡി സി ട്രേഡ് കമ്മീഷന് അബുദാബിയിൽ തുടക്കം
December 01 2024
കേവലം 3.50 ദിർഹമിന് ഷോപ്പിംഗുമായി വൺസോൺ
September 23 2024
.jpg)
Sign up for the Newsletter
Join our newsletter and get updates in your inbox. We won’t spam you and we respect your privacy.