ഒറ്റപ്രസവത്തിൽ ദുബൈയിൽ യുവതി ജന്മം നൽകിയത് അഞ്ചു കുഞ്ഞുങ്ങൾക്ക്
സ്വന്തം ലേഖകൻ
ഒറ്റപ്രസവത്തിൽ അഞ്ച് കുഞ്ഞുങ്ങളുണ്ടാകുന്നത് അപൂർവമാണ്. ലോകത്ത് 5.5 കോടിയിൽ ഒന്ന് മാത്രമാണ് ഇങ്ങനെ സംഭവിക്കുന്നത്. ലത്തീഫ ആശുപത്രിയിലെ മുതിർന്ന ഡോക്ടർമാരുടെ മേൽനോട്ടത്തിലാണ് 29ാം ആഴ്ചയിലെ പ്രസവം നടന്നത്. 1.195 ഗ്രാമാണ് കുട്ടികളുടെ ശരാശരി തൂക്കം.
ദുബൈ: ഒറ്റപ്രസവത്തിൽ അഞ്ച് കുഞ്ഞുങ്ങൾക്ക് ജന്മം നൽകി ഇമാറാത്തി യുവതി. ദുബൈ ലത്തീഫ ആശുപത്രിയിലായിരുന്നു പ്രസവം. അമ്മയും കുഞ്ഞുങ്ങളും സുഖമായിരിക്കുന്നുവെന്ന് ഡോക്ടർമാർ അറിയിച്ചു. 1.195 ഗ്രാമാണ് കുട്ടികളുടെ ശരാശരി തൂക്കം. ഒറ്റപ്രസവത്തിൽ അഞ്ച് കുഞ്ഞുങ്ങളുണ്ടാകുന്നത് അപൂർവമാണ്. ലോകത്ത് 5.5 കോടിയിൽ ഒന്ന് മാത്രമാണ് ഇങ്ങനെ സംഭവിക്കുന്നത്.
ലത്തീഫ ആശുപത്രിയിലെ മുതിർന്ന ഡോക്ടർമാരുടെ മേൽനോട്ടത്തിലാണ് 29ാം ആഴ്ചയിലെ പ്രസവം നടന്നത്. ഡോക്ടർമാരായ മഹ്മൂദ് അൽ ഹാലിക്, മുന തഹ്ലാക്, ഫാദി മിർസ, അബീർ അമ്മാർ എന്നിവരാണ് പ്രസവത്തിന് നേതൃത്വം നൽകിയത്. വർഷത്തിൽ 4000 കുട്ടികൾ ലത്തീഫ ആശുപത്രിയിൽ പിറവിയെടുക്കുന്നുണ്ട്. പ്രസവത്തിനും കുട്ടികൾക്കുമായുള്ള യു.എ.ഇയിലെ ഏറ്റവും വലിയ ആശുപത്രികളിൽ ഒന്നാണ് ലത്തീഫ ഹോസ്പിറ്റൽ. നവജാത ശിശുക്കൾക്കുള്ള ഏറ്റവും വലിയ ഐ.സി.യുവും ഇവിടെയാണ്. യുനിസെഫിൻറെ ശിശുസൗഹൃദ ആശുപത്രിക്കുള്ള പുരസ്കാരവും ആശുപത്രി സ്വന്തമാക്കിയിട്ടുണ്ട്.
.
കെ-ഫോണിന് ഐഎസ്പി കാറ്റഗറി ബി യൂണിഫൈഡ് ലൈസൻസ്
July 14 2022
ചിരി മാഞ്ഞു; ഇനിയില്ല ഇന്നസെൻ്റ്
March 26 2023
Sign up for the Newsletter
Join our newsletter and get updates in your inbox. We won’t spam you and we respect your privacy.