100 എസ്.യു.വി വാഹനങ്ങൾ; ദുബൈ പൊലിസിന് വ്യവസായിയുടെ സമ്മാനം
സ്വന്തം ലേഖകൻ
അൽ ഹബ്തൂർ ഗ്രൂപ്പിന്റെ സ്ഥാപകനും ചെയർമാനുമായ ഖലഫ് അഹമ്മദ് അൽ ഹബ്തൂരിയാണ് മിത്സുബിഷി പജേറോ വാഹനങ്ങൾ ദുബൈ പൊലീസിന് സമ്മാനിച്ചത്. പൊതുജനങ്ങളെ സംരക്ഷിക്കാനുള്ള സേനയുടെ ശ്രമങ്ങളെ പിന്തുണയ്ക്കുന്നതിന്റെ ഭാഗമായാണ് വാഹനങ്ങൾ വിതരണം ചെയ്തതെന്ന് അദ്ദേഹം പറഞ്ഞു
ദുബൈ: ദുബൈ പൊലീസിന് 100 എസ്.യു.വി വാഹനങ്ങൾ സംഭാവനയായി നല്‍കി പ്രമുഖ വ്യവസായി. അൽ ഹബ്തൂർ ഗ്രൂപ്പിന്റെ സ്ഥാപകനും ചെയർമാനുമായ ഖലഫ് അഹമ്മദ് അൽ ഹബ്തൂരിയാണ് മിത്സുബിഷി പജേറോ വാഹനങ്ങൾ ദുബൈ പൊലീസിന് സമ്മാനിച്ചത്. പൊതുജനങ്ങളെ സംരക്ഷിക്കാനുള്ള സേനയുടെ ശ്രമങ്ങളെ പിന്തുണയ്ക്കുന്നതിന്റെ ഭാഗമായാണ് വാഹനങ്ങൾ വിതരണം ചെയ്തതെന്ന് അദ്ദേഹം പറഞ്ഞു.
രാജ്യത്ത് സുരക്ഷിതത്വ ബോധം വർദ്ധിപ്പിക്കുന്നതിന് ദുബൈ പോലീസുമായി സഹകരിക്കുന്നതിൽ അഭിമാനമുണ്ട്. രാജ്യത്തെയും ജനങ്ങളെയും സേവിക്കാൻ സർക്കാരുമായി കൈകോർക്കുക എന്നത് സാമൂഹിക ഉത്തരവാദിത്തമാണെന്ന് വിശ്വസിക്കുന്നുവെന്നും ഖലഫ് അഹമ്മദ് അൽ ഹബ്തൂരി വ്യക്തമാക്കി. അതേസമയം പൊലീസിന്റെ പട്രോളിങ് സേനയ്ക്ക് പുതിയ വാഹനങ്ങൾ മുതൽക്കൂട്ടാകുമെന്ന് ദുബൈ പൊലീസ് കമാൻഡർ ഇൻ ചീഫ് ജനറൽ അബ്ദുല്ല ഖലീഫ അൽ മർറി പറഞ്ഞു.
വണ്ടർ റൈഡ്സ് ചലഞ്ച് തനിഷ വസന്ദനിക്ക് 27,000 ദിർഹം
March 31 2023
യുഎഇയിലെ ക്ലാസ്മുറികളിൽ ഇനി നിർമിത ബുദ്ധി അധ്യാപകരും
February 15 2023
Sign up for the Newsletter
Join our newsletter and get updates in your inbox. We won’t spam you and we respect your privacy.